Ѓорческа ја елиминира Наваро на турнирот во Чешка

Најдобрата македонска тенисерка Лина Ѓорческа игра одлично на ИТФ турнирот во чешкиот град Оломук. Таа се пласираше во полуфиналето откако ја совлада американската тенисерка Ема Наваро со 2:0 во сетови.

 

Ѓорческа го доби првиот сет со 6:4, а потоа комплетно го скрши отпорот на ривалката и вториот го освои уште поубедливо, со 6:2 во гемови.

 

Во утрешното полуфинале Ѓорческа за противничка ќе ја има Дарија Астакова од Русија.