ЕУ наесен подготвува најсеопфатен пакет санкции против Русија досега
Европската Унија наесен планира значително проширување на санкциите против Русија, при што бројот на санкционирани руски физички и правни лица би можел да се зголеми за една третина, изјави високата претставничка на ЕУ за надворешна и безбедносна политика Каја Калас.
„Санкциите на ЕУ досега ја чинеле руската воена машинерија повеќе од трилион евра, а наесен предлагам најсеопфатен список на санкции од почетокот на војната“, изјави Калас за германскиот весник „Велт“.
Таа додаде дека, доколку бидат усвоени, новите мерки веднаш ќе го зголемат вкупниот број санкционирани руски субјекти за една третина.
„Притисокот мора да продолжи да расте се додека Москва не ја заврши војната“, рече Калас.
Калас не откри детали за временската рамка или содржината на новиот пакет санкции.
ЕУ во јули го одобри својот најнов пакет санкции против Русија поради војната во Украина, со мерки насочени, меѓу другото, кон рускиот банкарски сектор и мрежите поврзани со криптовалути.
МИА
Популарно од Свет
Ново на Сител
-
Ликот на Ерлинг Халанд осамна на 469 килограми кокаин вреден 20 милиони долари
-
Ја скинале сајлата и се скриле меѓу кутиите: Тројца мигранти од Судан пронајдени во камион во Скопје
-
Мета затвори над 750.000 профили во Австралија по забраната за пристап до социјалните медиуми за лица под 16 години
-
Андоновски: Македонија со скок од 29 позиции на Глобалниот индекс за сајбер безбедност
-
Чибишев: Ако водата во Скопје имаше ешерихија коли, ќе имавме над 50.000 пациенти
-
Слободни над 8800 места за бруцоши на УКИМ, првиот рок за пријавување кандидати на 18 и 19 август
-
МВР трага по оние кои ширеле паника дека скопската вода е загадена со ешерихија коли
-
Исчезната малолетна девојка од Охрид, семејството бара помош
