ЕУ наесен подготвува најсеопфатен пакет санкции против Русија досега
Европската Унија наесен планира значително проширување на санкциите против Русија, при што бројот на санкционирани руски физички и правни лица би можел да се зголеми за една третина, изјави високата претставничка на ЕУ за надворешна и безбедносна политика Каја Калас.
„Санкциите на ЕУ досега ја чинеле руската воена машинерија повеќе од трилион евра, а наесен предлагам најсеопфатен список на санкции од почетокот на војната“, изјави Калас за германскиот весник „Велт“.
Таа додаде дека, доколку бидат усвоени, новите мерки веднаш ќе го зголемат вкупниот број санкционирани руски субјекти за една третина.
„Притисокот мора да продолжи да расте се додека Москва не ја заврши војната“, рече Калас.
Калас не откри детали за временската рамка или содржината на новиот пакет санкции.
ЕУ во јули го одобри својот најнов пакет санкции против Русија поради војната во Украина, со мерки насочени, меѓу другото, кон рускиот банкарски сектор и мрежите поврзани со криптовалути.
МИА
Популарно од Свет
Ново на Сител
-
Годишните приходи на ОпенАИ би можеле да надминат 40 милијарди долари
-
Николоски: Историски раст на авиосообраќајот, на аеродромите повеќе од два милиони патници во првите шест месеци
-
Туристите и жителите сè уште не можат да се вратат во Сивири
-
Клиника за пластична хирургија: Етапно реконструктивно лекување на повредените во пожарот во Кочани
-
Запросување за време на затемнување на Сонцето, постапката ги воодушеви корисниците на социјалните мрежи
-
Трамп воведува царини за дронови и ја враќа старата технологија на американските бродови
-
Пет македонски семејства побарале помош за евакуација од подрачјата зафатени со пожарите во Грција
-
Македонија, Србија и Словенија со заедничка кандидатура за ЕХФ ЕУРО 2034
