Абутовиќ и во новата сезона во дресот на Еурофарм Пелистер

Актуелниот македонски шампион Еурофарм Пелистер за уште една сезона ја продолжи соработката со искусниот српски ракометар Илија Абутовиќ,

„Српскиот интернационалец и во сезоната 2025/26 ќе настапува за Еурофарм Пелистер и со своето искуство и квалитет ќе биде еден од лидерите на нашиот млад тим. Неговата сезона, неговите настапи и победничкиот ген уште еднаш ни потврдуваат дека направивме вистински потег што го доведовме минатото лето“, соопшти вечерва битолскиот клуб.

Абутовиќ дебитираше за Спартак Суботица во 2006 година, а потоа ги носеше дресовите на Партизан и словенечки Слован. Во 2011 година потпиша за Вардар 1961 и остана седум години во двократниот европски првак.

Кариерата ја продолжи во бундеслигашот Рајн Некар Левен, а последните две сезони пред да дојде во Битола ги мина настапувајќи за француски Шартр.